بِسْمِ اللهِ الرَّحمْنِ الرَّحِيْمِ
السَّلاَمُ عَلَيْكُم ْ وَرَحْمَةُ اللهِ وَبَرَكَاتُهُ
Konsep Chatting Ahmad Thoufur Abi Betawi Digital
Antara Tren "Galau" dan Dakwah Digital
Bro n Sis, para cogan dan macan ManOne khususnya, dan warga dumay (dunia maya) umumnya... Ngomongin soal CHAT(ting), kata ini sebenernye udah jadi temen akrab buat kite para onliners mania. Pas Abi duduk santai nulis draf ini, Abi mendadak ngerasa kayak diputer balik ke mesin waktu. Inget banget sekitar tahun 2013-an, jaman Facebook lagi jaya-jayanye, istilah "Galau" itu lagi ngetren banget, hampir kaye jamur di musim ujan.
Abi galaunye mikirin gimana caranye ilmu nyang secuil ini kaga cuma mandek di kepala Abi doang, tapi bisa bermanfaat buat umat, jadi amal jariyah nyang kaga putus biarpun Abi udah kaga ada. Jadi, galau Abi itu galau produktif, bukan galau nyang bikin bengong di pojokan kamar sambil dengerin lagu sedih kaye orang kaga punya iman.
Dakwah itu Kudu Adaptif!
إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ﴿الرعد: ١١﴾
"Sesungguhnya Allah tidak mengubah keadaan sesuatu kaum sehingga mereka mengubah keadaan yang ada pada diri mereka sendiri..."
USTADZ BETAWI NYABLAK '71
Makanye, Abi lahirin itu konsep CHATTING (Canda, Hikmah, Agama, Tasliyah) sebagai jembatan rasa antara Abi nyang angkatan 'classic' secara umur dan pengalaman, dan juga Classic '91 di Gontor, sama ente semua nyang angkatan 'digital' alias angkatan "diginiin kena mental, digituin kena mental", wkwkwk! Canda ye Tong, biar kaga kaku kaye kanebo kering!
Syarh Abi: Membedah "CHATTING" Ahmad Thoufur
Ente semua kudu tau, akronim CHATTING ini bukan sekadar gaya-gayaan biar dibilang update. Ini adalah visi idup Abi nyang Abi peres dari pengalaman bertahun-tahun jadi guru dan santri. Mari kite bedah satu-satu biar kaga ada syakk (keraguan) di antara kite:
- ❤️ C-INTA: Segalanye harus berawal dari kasih sayang. Nah, kalo di POM bensin ini kagak berlaku, sebab di sana harus dimulai dari 0, hehe. Kalo ente nulis atau ngomong tanpa cinta, nyang keluar cuma emosi kosong, kayak kucing mo berantem kagak jadi-jadi. Abi tanemin cinta buat keluarga, buat santri, dan buat sesama makhluk Allah.
- 💡 H-IKMAH: Abi pengen kite semua jadi orang nyang jeli. Cari pelajaran di setiap tarikan napas. Bahkan pas Abi kemaren "salto" di aspal Cengkareng pun, ada hikmahnye: Allah masih sayang, Abi masih dikasih kesempatan buat tobat! Abi ngerasa dikasih peristiwa bagitu biar bisa ngurangin dosa nyang udeh jauh ngelebihin Mount Everest! Allahu Akbar, bener-bener teguran nyang estetik!
- 📖 A-GAMA: Ini harga mati, Tong! Sebagai Muslim Betawi, agama itu bukan cuma identitas di KTP biar bisa kawin doang, tapi pegangan idup nyang bikin kite kaga oleng pas diterjang badai fitnah dunia nyang makin nauzubillah.
- 😂 T-ASLIYAH: Namanye idup pasti ada bosennye. Tasliyah itu unsur hiburan atau humor. Biar ngaji kaga ngantuk, biar baca blog kaga pusing pala berbie. Abi selipin candaan dikit biar ilmu nyang berat kaye batu kali jadi enteng pas masuk ke hati.
- 🛡️ T-HOUFUR: Ini identitas diri Abi. Nama pemberian orang tua nyang penuh doa. "Ipuh" nyang kaga boleh ilang jati dirinye biarpun jaman udah berubah jadi robot semua. Ini soal menjaga legacy atau warisan karakter biar kaga hanyut kebawa arus jaman.
- 🤲 I-NSAN N-AN G-ALAU: Ini puncaknye. Abi mengakui diri ini dhoif, lemah, dan kaga ada ape-apenye di hadapan Allah. Galau nyang Abi maksud adalah rasa rindu nyang kaga abis-abis sama ridho Allah SWT. Rasa gelisah kalo amalan hari ini kaga diterima.
Revolusi 2026: Upgrade Menjadi CHAT & SHARE!
Nah, sekarang kite udah masuk tahun 2026. Dunia makin cepet, informasi makin tumpah-ruah ampe tumpeh-tumpeh. Setelah sekian lama Abi "Bertapa" di balik layar dan akhirnya mutusin buat Turun Gunung secara total, Abi ngerasa konsep lama perlu di-rebranding biar makin paten bin gacor. Kenapa? Karena di era sekarang, sekadar "ngobrol" (chat) aja kaga cukup. Kite butuh SHARE (Berbagi).
مَنْ سَنَّ فِي الْإِسْلَامِ سُنَّةً حَسَنَةً فَلَهُ أَجْرُهَا وَأَجْرُ مَنْ عَمِلَ بِهَا بَعْدَهُ مِنْ غَيْرِ أَنْ يَنْقُصَ مِنْ أُجُورِهِمْ شَيْءٌ ﴿رواه مسلم﴾
"Barangsiapa merintis jalan yang baik dalam Islam, maka ia akan mendapatkan pahalanya dan pahala orang yang mengerjakannya setelah itu, tanpa dikurangi sedikit pun dari pahala mereka."
— Inspirasi Abi Ahmad Thoufur —
ANGKATAN CLASSIC GONTOR '91
1. C-inta: Fokus ketahanan Keluarga, karena dari rumah kebaikan dimulai.
2. H-ikmah: Fokus Muhasabah diri, biar kaga dikit-dikit nyalahin orang lain.
3. A-gama: Fokus pemurnian Islam, biar kaga ikut-ikutan aliran nyang kagak bener.
4. T-a'lim: Edukasi lewat metode B-DASH nyang Abi kembangin biar belajar jadi seru.
S-hiroh: Kite belajar sejarah Nabi biar kaga kehilangan arah. | H-ikayah: Cerita inspiratif adem kaye kena kipas sate. | A-rtikel: Opini Abi nyang blak-blakan gaya Betawi Cengkareng tapi tetep sopan. | R-asulullah: Role model utama, bukan artis Korea nyang ente tangisin! | E-dukasi: Pendidikan nyang bikin kite pinter tapi tetep rendah hati.
Abi pengen blog ini bukan cuma jadi diari pribadi tempat Abi curhat soal salto di jalanan doang, tapi jadi "gudang amunisi" buat ente semua nyang mau jadi pejuang kebaikan di dunia maya. Kite kaga boleh kalah sama konten-konten maksiat atau konten kagak jelas nyang cuma ngejar viewers ampe urat malu diputusin. Kite kudu posting kebaikan ampe kebatilan itu tenggelam sendiri gara-gara kaga dapet panggung di beranda kite.
Sebagai "Anak Betawi Cengkareng Asli" nyang dididik keras di Pondok Modern Darussalam Gontor, Abi ngerasa punya beban moral. Ilmu nyang Abi dapet dari kiai-kiai Abi kudu diterusin. Kalo dulu Abi ngetik pake mesin tik kuno nyang bunyinya trak-trek-trok ampe tetangga berisik kaga bisa tidur, sekarang Abi pake teknologi, internet dan blog biar jangkauannya makin luas ampe ke ujung dunia, walaupun harus nguras kuota ente, wkwkwk. Laah belajar emang kudu pake modal bro, jangan minta dimodalin mulu kayak si anu ama si ono! #tepoknyamuk eh jidat!
Sahabat semua... Biarpun konsep berubah, biarpun casing-nya makin modern pake HTML dan CSS nyang warna-warni, semangat Abi buat berkhidmah di MAN 1 Jakarta dan jaga budaya Betawi Cengkareng tetep nomer satu. Abi kaga bakal berubah jadi orang line. Abi tetep Abi nyang dulu, nyang demen bercanda, nyang cinta ama budaya Betawi, tapi tetep "lempeng" kalo urusan dalil.
Nah, entuh die sekilas visualisasi memori jaman jebot nyang pernah Abi rintis. Segalanye emang kudu berubah, kudu berevolusi biar makin manfaat! Cukup sampe sini dulu bahasan kite soal REVOLUSI KONSEP di blog BABA.
NYOK MAMPIR KE TULISAN ABI BERIKUTNYE:
"CINTA Ala Abi Ahmad Thoufur: Bukan Sekadar Cerita Indah Nan Tiada Arti!"
Klik aje tulisan di atas atau gambar C-INTA di kotak galeri buat langsung baca ulasan lengkapnye nyang udeh nangkring di blog ini. Jangan ampe kelewatan, Bro!
وَاللَّهُ أَعْلَمُ بِالصَّوَابِ
وَالسَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ
SEMBOYAN USTADZ BETAWI NYABLAK
"Aseli Betawi mah tetep tegak,
ilmunya mantep, budayanya kaga bakalan retak!
Konsep CHAT & SHARE udah Abi gelar, Ilmunye nambah, berkahnye makin menjalar!"
#UstadzBCA #UstadzBetawi71 #UstadzBetawiNyablak #NyablakEstetik
#CoretanAbiThoufur #FilosofiDidikanBetawi #TajdidBlogger
Tidak ada komentar:
Posting Komentar