بِسْمِ اللهِ الرَّحمْنِ الرَّحِيْمِ
السَّلاَمُ عَلَيْكُم ْ وَرَحْمَةُ اللهِ وَبَرَكَاتُهُ
"Ngasih tau yang bener emang kudu sabar, biar iman kaga gampang ambyar!" - Abi Thoufur
🎤 Nyablak Pembuka: Frekuensi Iman kita kudu sama, biar Connect!
Salam takzim buat ente semua, Sahabat BABA! Widiihh, girang bener Abi bisa nemuin ente lagi di mari, sambil nungguin bedug eh adzan maghrib maksud Abi, hehehe. Abi ama BABA makasih banget ente udeh nyempetin diri nyaba di mari. Kalaupun ente "nyasar", maka Abi ucapin selamet, "untung ente nyasar...", kalo kagak nyasar mah, ente kagak bakal bisa dapet ilmu sakti soal "Janji Sulbi" ini, Tong!
Sesuai janji Abi kemarin di sini, maka hari ini kita basmalah, kita mulain ngaji! Abi pilih pertama ini adalah tentang aqidah. Kenapa sih kite kudu ngaji Aqidah duluan?
Nah entar Abi kasih tahu dan kita pelajarin bareng-bareng di postingan perdana seri Ta'lim ini. Pelototin baek-baek, jangan ampe ente keder pas ditanya "Man Robbuka" nanti!
1. Kenape Harus Aqidah Duluan?
Mungkin ente nanya, "Bi, kenape kagak Fiqih dulu biar tau cara sholat? Atau Akhlak dulu biar sopan?". Dengerin nih Tong! Aqidah itu ibarat pondasi rumah. Ente mau bangun rumah tingkat sepuluh pake keramik impor dari Italia ama lampu kristal dari India (ibarat ibadah ama akhlak), tapi kalo pondasinya cuma dari tumpukan kardus, sekali digoyang gempa dikit juga bakalan ambruk itu rumah!
Aqidah entuh akarnya pohon, Tong! Kalo akar ente busuk, ditiup angin dikit gampang rubuh. Zaman sekarang fitnah digital ngeri bener. Ada paham yang dikit-dikit nyesetin orang, ada yang bikin ente jadi ragu ama Allah ﷻ cuman gara-gara logika pendek yang kabelnya konslet, dan banyak lagi!.
Aqidah itu urusan KONTRAK MATI!. Kita wajib berilmu soal ini, bukan cuma ikut-ikutan (Taklid). Kenapa ini urusan janji? Karena jauh sebelum ente lahir ke dunia, Abi juga sih, pas ente masih berwujud ruh di dalem Alam Azali sebelon diambil cangkokannye dari Tulang Sulbi Nabi Adam عليه السلام, kita semua udeh tanda tangan kontrak di hadapan Allah ﷻ. Dalilnya kagak maen-maen, ada di Al-Qur'an (QS. Al-A'raf: 172).
وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ ۛ شَهِدْنَا ﴿الأعراف: ١٧٢﴾
Jadi, Aqidah itu: UDEH ADA pas kita di sulbi (Fitrah), HARUS ADA pas kita idup di dunia (Dipelajari & Dijaga), dan WAJIB ADA pas kita mati (Tiket Pulang).
Kalo pas sakaratul maut ente lupa ama janji ini gara-gara terlalu sibuk mikirin dunia, itu namanya ente "Wanprestasi" alias ingkar janji ama Tuhan. Itu yang bikin keder bin keblinger dunia-akhirat!
Nah, dengerin nih Tong! Aqidah itu UDEH ADA pas kite di tulang sulbi. Itu namanya Fitrah. Tapi pas lahir ke dunia, kite sering lupa karena ketutup hawa nafsu. Makanya, Aqidah HARUS ADA (dijaga/dipelajari) selama kite idup biar janji itu kaga luntur kegiles jaman.
Kenape WAJIB ADA pas mati? Karena pas di alam barzakh nanti, yang ditanya bukan jabatan ente atau berapa follower medsos ente, tapi "Man Robbuka?". Kalo Aqidah ente kaga nancep di hati pas di dunia, lidah ente bakal kaku buat jawab itu janji.
Buat bapak-bapak ama ibu-ibu, Aqidah yang bener entuh Tiket Pulang. Pas sakaratul maut, syaitan bakal dateng nyoba ngerusak iman kite. Kalo kite kaga punya ilmu Aqidah yang kuat, kita bisa "wanprestasi" alias khianat ama janji sulbi tadi.
Buat ente Gen-Z MAN 1, Aqidah entuh Radar. Biar ente kaga gampang "terguncang" liat dunia yang makin aneh. Ente udeh janji pas di sulbi Nabi Adam عليه السلام kalo Allah ﷻ itu Tuhan ente, masa pas udeh di dunia malah lebih takut kaga punya kuota daripada takut kaga punya iman? Kan keblinger namanya!
Inget, Tong! Aqidah ini kudu Ada pas kita lahir, Harus Ada pas kita idup, dan Wajib Ada pas kita sakaratul maut. Kalo pas "pulang" ente kaga bawa bekel kalimat Laa ilaha illallah yang nancep di hati (bukan cuma di bibir), entuh namanya ente "wanprestasi" alias ingkar janji ama kontrak awal di hadapan Tuhan. Itu yang bikin keder bin keblinger dunia-akhirat!
Makanya, ngaji Aqidah itu bukan gaya-gayaan, tapi urusan HIDUP MATI!
فَاعْلَمْ أَنَّهُ لَا إِلَهَ إِلَّا اللَّهُ ﴿محمد: ١٩﴾
"Maka ketahuilah (berilmulah), bahwa sesungguhnya tidak ada Tuhan selain Allah..."
USTADZ BETAWI NYABLAK '71
Aqidah itu urusan KONTRAK MATI. Kite wajib berilmu soal ini, bukan cuma ikut-ikutan (Taklid). Inget 3 Prinsip ini, Tong:
- UDEH ADA pas kita di sulbi (Fitrah).
- HARUS ADA pas kita idup di dunia (Dipelajari & Dijaga).
- WAJIB ADA pas kita mati (Tiket Pulang).
2. Master Plan: Kenapa Harus Asy'ariyah-Maturidiyah?
Kite kaga bakal loncat-loncat, Tong! Kite urutin dari ngenal Sifat Wajib, Mustahil, ama Jaiz bagi Allah SWT dan Para Rosul ASA. Semuanye kite bedah pake kacamata Asy'ariyah-Maturidiyah (A-M) alias Ahlussunnah wal Jama’ah atau singkatnya Aswaja.
مَنْ عَرَفَ نَفْسَهُ فَقَدْ عَرَفَ رَبَّهُ ﴿أثر يحيى بن معاذ﴾
"Barangsiapa yang mengenal dirinya, maka ia akan mengenal Tuhannya."
— Atsar Yahya bin Mu'adz رحمه الله —
ALUMNI GONTOR ANGKATAN CLASSIC '91
3. Kitab Penuntun Kite: Matan & Syarh
Nah, buat nuntun kita nemuin jalan balik ke janji sulbi tadi, Abi pilihin "peta" yang paling cakep. Kita kaga bakal jalan tanpa kompas, Tong! Abi udeh siapin dua rute mu'tabar nyang bakal jadi pegangan kita ngaji di blog BABA ini.
📦 PAKET A: Jalur Nadhom
Cocok buat nyang demen ngaji sambil nyanyiin bait-bait indah. Isinya ngerangkum dasar iman lewat syair nyang barokah.
📦 PAKET B: Jalur Uraian
Ini rute paling "adem" ngebahas Sifat 20 secara sistematis. Pas banget buat nemuin jati diri di depan Ilahi tanpa bikin keder.
Biar ente makin paham kenapa Abi pilihin kitab-kitab ini, dengerin nih penjelasan singkatnya:
- Nurudz Dzolam: Kitab kebanggaan Nusantara nyang ngebedah 50 Aqidah lewat bait-bait nadhom. Abi langsung bahas syarhnya biar matannya udeh otomatis keangkut!
- At-Tijan ad-Darori: Ini kitab ibarat "Mahkota nyang Bercahaya". Syeikh Nawawi رحمه الله sengaja nulis ini biar kite dapet inti tauhid nyang lurus tanpa pusing ama istilah nyang jelimet.
Jadi, rutenye jelas ya Tong! Kite mulai dari nyang ringkes, baru kite bedah nyang dalem-dalem. Biar otak kaga *hang* tapi iman makin kenceng!
4. Kenape Kite Kudu Nyimak?
Mungkin ente nanya: "Bi, zaman udeh canggih, ape iye masih kudu ngedeprok ngaji kitab gundul?" Dengerin nih Tong, Mpok, Bang... ini alesan kenapa Abi "rewel" ngajak ente semua ngaji Aqidah:
📱 Buat Murid Abi (Gen-Z)
Tong, ente idup di jaman algoritma nyang serba nyablak. Kalo Aqidah ente kaga kuat, ente bakal gampang "oleng" liat tren dunia nyang makin kaga karuan. Ente pinter Fisika, jago IT, ampe kodingan ente running tanpa error? Itu bagus! Tapi ilmu dunia ente kudu dibungkus ama Aqidah biar ente kaga jadi robot sombong nyang lupa ama Penciptanya.
"Biar kodingan ente 'clean', tauhid ente tetep 'strong'. Biar mental ente kaga gampang 'breakdown' cuma gara-gara urusan sepele!"
🧔 Buat Sobat Sebaya & Jama'ah
Kite udeh sama-sama berumur nih. Uban udeh mulai ngeramein pala, asam urat kadang suka "nyapa" mesra. Ngaji Aqidah ini tujuannya biar hati kite adem dan tenang. Ini bekel paling mahal pas kite lagi duduk manis nunggu antrian dipanggil "pulang" ama Gusti Allah.
"Jangan ampe pas dipanggil, kite masih keder soal Tuhan kite sendiri. Biar ibadah kaga cuma gerak badan, tapi ada 'rasanye'!"
🌍 Buat Sahabat BABA (Lintas Profesi)
Entah ente kuli bangunan, supir ojek, orang kantoran, dosen, atau pejabat... dengerin nih! Aqidah nyang bener kaga mandang ijazah. Abi pake bahasa tongkrongan kite biar gampang ngeresep. Ape pun profesi ente, kalo Aqidahnya bener, kerjaan ente bakal jadi ibadah dan ente kaga gampang dikadalin ama paham-paham aneh.
"Kite semua bersaudara di bawah payung janji Sulbi nyang satu. Idup punya visi, kaga gampang kena provokasi!"
5. Prinsip Abi: "Kagak Nyalahin, Cuma Kagak Make"
Nah, sebelum Abi tutup maklumat ini, Abi mau pertegas satu hal biar kaga ada miss-communication di antara kite. Di luar sana emang banyak paham atau pendapat dari ulama-ulama lain, kayak kelompok nyang ngikutin pendapat Ibnu Taimiyah, Ibnu Qayyim, atau ulama kontemporer kayak Al-Albani ama Bin Baz.
Gimana Sikap Abi?
Abi kagak mau nyalah-nyalahin mereka. Itu urusan ijtihad mereka ama Gusti Allah. Tapi, Abi pribadi dan di blog BABA ini KAGAK MAKE pendapat atau tulisan mereka. Kenapa? Karena Abi udeh nemu kemantepan hati di jalur Asy'ariyah-Maturidiyah nyang sanad ulamanya udeh jelas runut ampe ke atas.
Jadi, di sini "menu" utamanya adalah Syafi'iyah Fiqh dan Asy'ariyah Aqidah. Kite dakwah buat cari ridho Allah, bukan cari musuh. Laa ikrooha fid diin, udeh jelas jalannya masing-masing.
"Sedekah kaga bikin ente jadi pengamen, malah bikin idup ente makin paten!"
• 000 : Hadiah / Tanda Cinta buat Abi
• 111 : Infaq Masjid Jami' (via MJ Al-Ikhwan - Cipadu / MJ. At-Taqwa - Cengkareng)
• 222 : Infaq Anak Yatim (Nambahin biaya sekolah + jajan anak yatim kafalah Abi)
7422970688
033801013773504
081289803080
081289803080
"Billaah, Lillaah, Fillaah"
وَاللَّهُ أَعْلَمُ بِالصَّوَابِ
وَالسَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ
SEMBOYAN USTADZ BETAWI NYABLAK
"Aseli Betawi mah tetep tegak,
ilmunya mantep, budayanya kaga bakalan retak!
Aqidah adalah Janji Awal Mula,
Jangan Ampe Kite Lupa Kayak Orang Gila!"
Tidak ada komentar:
Posting Komentar