Bismillaahirrahmaanirrahiim...
Assalaamu’alaikum Warahmatullaahi Wabarakaatuh!
Assalaamu’alaikum Warahmatullaahi Wabarakaatuh!
Halo pemirsah! Balik lagi ama Abi Ahmad Thoufur. Kalo kemaren kita udah bahas Ummi nyang primadona, sekarang saatnya Abi spill sosok "The Legend" dari Cengkareng: Ayah Matoni. Sosok nyang nurunin bakat lincah ama otak encer ke Abi. Siap-siap denger cerita si Star Boy kebanggaan keluarga BeCeng!
📜 Anak Betawi, Jiwa Pendidik; Catatan, Cinta dan Cerita Dari Pedongkelan Cengkareng Ampe Nyangsang Di Cipadu (Goresan Hidup Abi Thoufur) [SERI KE-3]
1. Ayah: Anak Tunggal nyang Otaknya Encer Bener!
Kalo ngomongin Ayah Matoni, wah... beliau ini ibarat paket komplit. Anak tunggal kesayangan Kong H. Rinan ama Nyai Hj. Sitinah, tapi kagak manja, apalagi nyusahin. Malah otaknya pinter bener! Ternyata, pepatah "Buah jatoh kagak jauh dari poonnya" itu nyata, Bang!! Alumni SMPN 45 Cengkareng ama SMA 1 Tangerang -salah satu temen angkatan Ayah nyang juuga sohib kentelnya adalah Djakaria Mahmoed, mantan Walikota Tangerang 1990an- nyang prestasinya bikin geleng-geleng. Bakat pinternya nular nih ke anaknya (biarpun Abi dikit aja dapetnya, hehehe).
Kembali ke Ayah, tapi ente jangan salah, biarpun pinter, Ayah bukan tipe kutu buku nyang diem aja di pojokan. Beliau punya sisi "liar" di lapangan hijau nyang bikin lawan keder!
[Foto: Ayah Matoni jaman SMP & SMA (1960-1965)]
Kalo sebelonnya Abi udah nyeritain Ummi, Sang Primadona, sekarang kita 'bedah jagoan Abi, Ayah, Matoni, si Star Boy nyang juga "GOAT" di lapangan ijo!!Kalo ngomongin Ayah Matoni, wah... beliau ini ibarat paket komplit. Anak tunggal kesayangan Kong H. Rinan ama Nyai Hj. Sitinah, tapi kagak manja, apalagi nyusahin. Malah otaknya pinter bener! Ternyata, pepatah "Buah jatoh kagak jauh dari poonnya" itu nyata, Bang!! Alumni SMPN 45 Cengkareng ama SMA 1 Tangerang -salah satu temen angkatan Ayah nyang juuga sohib kentelnya adalah Djakaria Mahmoed, mantan Walikota Tangerang 1990an- nyang prestasinya bikin geleng-geleng. Bakat pinternya nular nih ke anaknya (biarpun Abi dikit aja dapetnya, hehehe).
Ayah itu bukti nyata kalo anak Betawi bisa bersaing di jalur akademik sejak jaman dulu! Kalo ente tanya juara berapa dan kelas berapa? Maka ane berani jawab, kagak pernah kagak juara ampe selesai 'makan bangku' sekolahan, dan Juara Harapan bukan level Ayah!!
Udeh entuh, sifat Engkong nyang baek pake banget, rajin, ampe royalnya itu, 'plek ketiplek ada di Ayah. Mo tahu gimane baeknya Engkong nyang udah tingkat dewa entuh? Ente klik di bawah enih, kalo kagak mo tahu, ya udah, masa Abi paksa?! wkwkwk⚡ Klik di sini kalo mo tau 'tingkatan dewa' kebaekan Engkong Abi!
Nih ane kasih contoh "kesaktian" baeknya Engkong yaa...
Dulu di kampung Pedongkelan ada atu lapangan bola nyang luaas banget. Nah, Engkong enih emang hobi banget nonton bola (mungkin karna entuh Ayah jadi jago maen bola). Kalo Engkong lagi nonton dan kebeneran papasan ama Abi, nyang pastinya waktu entuh masih kecit, Engkong bakalan langsung nanya Abi, "Mo jajan apaan lu, Puh?"
Lah nyang namanya ditawarin Engkong sendiri, Abi mah langsung girang, langsung jelalatan nih mata milih jodoh tetukangan nyang paling enak dan paling mahal dari seantero tetukangan nyang ada di lapangan entuh. Kagak pake jaim!! "Martabak ama baso, Kong!", jawab Abi semangat pas mata nemuin 'jodoh' perut Abi nyang 'pas'.
Nah di sini, nih, di sini jurus 'dewa kagak mabok' Engkong keluar. Engkong ternyata bukan beliin Abi doangan, tapi semua bocah kecil nyang lagi pada nangkring di situ di-'tanjain', "Elu mao mertabak, elu mao baso, elu maonya paan?". Wah kaget Abi, kalo waktu entuh udah idepan dikit mah, pasti Abi mikir dulu, "tar kalo duitnya Engkong kagak cukup atawa abis, pegimana nih?" Khan gitu kudunya, tapi karna waktu entuh pikiran bocah kegirangan, ya kagak ada pikiran entuh, gegares langsung tuh mertabak ama baso nyang dah jadi duluan, wkwkwk!
Dan itu bukanan sekali doang, ampe tiga kali seingetan Abi, nah pas abis entuh Abi ceritain ke Ummi, bukannya dapet pujian, malah dinasehatin Abi, "Laen kali, kalo ketemu dan Engkong nawarin jajan, jangan mao yaa? Tar kalo duit Engkong abis buat jajanin di lapangan doangan, Ipuh kagak dikasih jajan lagi dong besokannya?". Bener juga yaa? Kayak gono kali yaa pikiran Abi waktu entuh, tapi Abi kagak inget! Nyang jelas, abis entuh, kalo kebetulan lagi di lapangan dan ngeliat Engkong lagi nonton, Abi langsung ngumpet dan ngejauh, hehehe
Nah entuh kebaekan Engkong nyang tumpah ruah, dan nurun ke Ayah, tapi kerennya, kalo Ayah ngasihnya bukan jajan baso, Ayah malahan ngasih kontrakan nyang diwarisin dari Engkong ampe beberapa pintu!! Subhaanallaah...!!
Dulu di kampung Pedongkelan ada atu lapangan bola nyang luaas banget. Nah, Engkong enih emang hobi banget nonton bola (mungkin karna entuh Ayah jadi jago maen bola). Kalo Engkong lagi nonton dan kebeneran papasan ama Abi, nyang pastinya waktu entuh masih kecit, Engkong bakalan langsung nanya Abi, "Mo jajan apaan lu, Puh?"
Lah nyang namanya ditawarin Engkong sendiri, Abi mah langsung girang, langsung jelalatan nih mata milih jodoh tetukangan nyang paling enak dan paling mahal dari seantero tetukangan nyang ada di lapangan entuh. Kagak pake jaim!! "Martabak ama baso, Kong!", jawab Abi semangat pas mata nemuin 'jodoh' perut Abi nyang 'pas'.
Nah di sini, nih, di sini jurus 'dewa kagak mabok' Engkong keluar. Engkong ternyata bukan beliin Abi doangan, tapi semua bocah kecil nyang lagi pada nangkring di situ di-'tanjain', "Elu mao mertabak, elu mao baso, elu maonya paan?". Wah kaget Abi, kalo waktu entuh udah idepan dikit mah, pasti Abi mikir dulu, "tar kalo duitnya Engkong kagak cukup atawa abis, pegimana nih?" Khan gitu kudunya, tapi karna waktu entuh pikiran bocah kegirangan, ya kagak ada pikiran entuh, gegares langsung tuh mertabak ama baso nyang dah jadi duluan, wkwkwk!
Dan itu bukanan sekali doang, ampe tiga kali seingetan Abi, nah pas abis entuh Abi ceritain ke Ummi, bukannya dapet pujian, malah dinasehatin Abi, "Laen kali, kalo ketemu dan Engkong nawarin jajan, jangan mao yaa? Tar kalo duit Engkong abis buat jajanin di lapangan doangan, Ipuh kagak dikasih jajan lagi dong besokannya?". Bener juga yaa? Kayak gono kali yaa pikiran Abi waktu entuh, tapi Abi kagak inget! Nyang jelas, abis entuh, kalo kebetulan lagi di lapangan dan ngeliat Engkong lagi nonton, Abi langsung ngumpet dan ngejauh, hehehe
Nah entuh kebaekan Engkong nyang tumpah ruah, dan nurun ke Ayah, tapi kerennya, kalo Ayah ngasihnya bukan jajan baso, Ayah malahan ngasih kontrakan nyang diwarisin dari Engkong ampe beberapa pintu!! Subhaanallaah...!!
[Foto: Ayah Main Bola & Gaya Ngantor (1970-1975)]
Eng ing eenggg... ente liat gaya Ayah pas maen bola? Itu tendangannya bisa bikin gawang nangis! Ayah itu pemain bola tarkam nyang lincahnya minta ampun. Saking jagonya, beliau pernah "dikirim" maen bola ampe ke Timor-Timur pas jaman perang dulu. Udah kayak pemain timnas bayaran deh pokoknya!
Gak cuma jago di lapangan, pas udah pake baju kantor, aura profesionalnya langsung keluar. Rapi jali, tegas, tapi tetep asik. Gabungan antara skill lapangan ama kecerdasan otak emang bikin Ayah jadi idola di jamannya.
⚡ Klik di sini kalo mo tau rahasia kelincahan Ayah...
Sampe usia 50 tahun, Ayah masih kuat lari ngejar bola, Bang! Rahasianya? Ya semangat anak Pedongkelan nyang kagak ada matinya. Walau tersirat dan tak pernah dikatakan langsung, tapi Abi bisa membaca pikiran Ayah nyang seakan Ayah selalu pesen ke Abi: "Kalo mau jadi laki, kudu bagus agamanye, lincah geraknya, pinter otaknya, tapi tetep rendah hati." Itulah nyang Abi pegang terus sampe sekarang pas ngajar di MAN 1 Jakarta.
[Foto: Kenangan Ayah Matoni di Masa Tua (2012)]
Nah Pekongsian Ayah yang "Eksklusif" karna anak semata wayang, ama Ummi nyang 'pasukannya' seabreg enih nyang bikin pondasi keluarga Abi jadi unik. Kalo Ummi itu kelembutan nyang dibalut 'ketegasan' seorang ibu, maka Ayah adalah ketegasan nyang penuh kasih. Perpaduan mereka berdua itulah nyang bikin Abi Ahmad Thoufur bisa tegak berdiri sampe sekarang di hadapan murid-murid tercinta.
Melihat Ayah di masa tua, sekarang Ayah udah hampir 77 taun umurnya, Abi ngerasa bangga bener. Nama Matoni nyang artinya "Matiin Kompeni" itu beneran ngebentuk karakter beliau nyang gak mau nyerah. Beliau sukses nurunin 'ilmu idup' nyang lebih berharga dari sekadar materi.
Nah takdir abis entuh ngamprogin Ayah ama Ummi di pelaminan. Kalo Ayah anak tunggal Nyai Haji ama Engkong, kalo Ummi mah beda lagi ceritanya. Ummi entuh anak kedua dari sembilan sodara! Kebayang kagak ente gimana ramenya rumah Kong Yasin waktu entuh? Ibaratnya, kalo lagi makan bareng tiap hari, nah udah kayak orang lagi prasmanan kayak hajatan tiap ari, wkwkwk.Nah Pekongsian Ayah yang "Eksklusif" karna anak semata wayang, ama Ummi nyang 'pasukannya' seabreg enih nyang bikin pondasi keluarga Abi jadi unik. Kalo Ummi itu kelembutan nyang dibalut 'ketegasan' seorang ibu, maka Ayah adalah ketegasan nyang penuh kasih. Perpaduan mereka berdua itulah nyang bikin Abi Ahmad Thoufur bisa tegak berdiri sampe sekarang di hadapan murid-murid tercinta.
Sehat terus ya Ayah Matoni kesayangan Abi...
Terima kasih udah jadi teladan nyang nyata buat Ipuh dan semua tujuh orang adek Ipuh.
Doa terbaik selalu terpanjat buat Ayah dan Ummi tercinta.
Terima kasih udah jadi teladan nyang nyata buat Ipuh dan semua tujuh orang adek Ipuh.
Doa terbaik selalu terpanjat buat Ayah dan Ummi tercinta.
رب اغفر لي ولوالدي وارحمهما كما ربياني صغيرا ... آمين
Wassalaamu’alaikum Warahmatullaahi Wabarakaatuh!
Cipadu, 23 Januari 2026
Cipadu, 23 Januari 2026
🚩 SEMBOYAN ANAK BECENG:
"Aseli Betawi mah tetep tegak, ilmunya mantep, budayanya kaga bakalan retak!
Biar Badan Lelah Ngajar di Sekolah, Tapi Ibadah Kagak Pernah Goyah!"
#CoretanAbiThoufur #BeCeng71 #AyahMatoni #StarBoyCengkareng #LakiLakiPilihan
Tidak ada komentar:
Posting Komentar